呢間係我每次去星加坡出trip都會食嘅餐廳, 因為香港無咩地方or有得食福建菜同埋我鍾意食佢嘅滷麵。而家佢喺銅鑼灣都開左分店 , 我梗係同埋屋企人去試下啦 。
一早訂左位, 不過都要等 。可以任佢嘅黑糖薑茶 , 一路等一路飲。我覺得甜左d ：）
餸菜唔係太多款式 , 多人去都可以試晒佢嘅名菜。等我介紹下。
辣醬都係莆田的名物之一。酸酸辣辣, 似泰國辣醬
冷盤丁香雞 - 鹵水味幾重 , 不過硬左d, 又有d細份
窩仔黃魚 - 呢條魚好滑。好似話淨係煮兩分鐘 , 不過超細份。一人一條就差唔多 ！
金湯莧菜 - 唯一一款菜。好味！
醬炒肉絲 - 用炸饅頭哥夾住食
炸豬手 - 好香口, 啖啖肉 。千其唔好一人一隻 , 好漏㗎
芋頭鴨 - 又係炸野 ：）
主角出場 ！ 滷麵 - 係用海鮮同菜渨嘅麵, 個湯杰杰地。但係個味同新加坡有d唔同
炒米粉 - 材料基本上同滷麵一樣 , 不過係炒嘅！ 配埋個辣醬 , 超正 ！
沒有留言:
張貼留言